नेप्सेमा कारोबार वृद्धि ८.९० अंकले बढ्यो परिसूचक

२८ जेठ, काठमाडौं ।
सेयर बजारमा नेप्से परिसूचक ८.९० अंक (०.४२ प्रतिशत) ले बढेर २०८२.०२ को बिन्दुमा पुगेको छ।

नेप्सेमा सूचीकृत भएर संस्थापकको लकइन नखुलेको र कम पूँजी भएका कम्पनीहरूको सेय मूल्यमा उचाल्न ‘स्पेकुलेटिभ प्रवृति’ बजारमा हाबी भएको छ। सेयर खरिद गर्दा कारोबार रकम साढे ५ अर्ब पुगेको छ।

सेयर सप्लाई कम भएका कम्पनीको सेयर मूल्य पछिल्लो समय उच्च रुपमा बढेको छ। सोमबार नेप्सेमा ७१ हजार ९४८ वटा कारोबारमा १ करोड १६ लाख ३४ हजार ६१८ कित्ता सूचीकृत धितोपत्र किनबेच हुँदा ५ अर्ब ४९ करोड ६ लाखको सेयर कारोबार भएको छ।

म्युचुअल फन्ड उपसूचकमा सर्वाधिक ३.७४ प्रतिशतले गिरावट हुँदा व्यापार उपसूचक २.०४ प्रतिशत, होटल तथा पर्यटन उपसूचक ०.९३ प्रतिशत, जीवन बीमा उपसूचक ०.२४ प्रतिशत र बैंकिङ उपसूचक ०.०२ प्रतिशतले गिरावट भएको हो।