आज हरितालिका तीज विभिन्न कार्याक्रम गरि मनाइँदै

२९ भदौ, काठमाडौं ।

आज हरितालिका तीज विभिन्न कार्याक्रम गरि मनाइँदै छ ।

आज देशभर हरितालिका तीज पर्व व्रतालुले शिव–पार्वतीको विशेष पूजा आराधना गरि मनाइरहेका छन् ।

भाद्र शुक्ल तृतीयाका दिनमा मनाइने हरितालिका तीज पर्व विभिन्न स्थानमा भव्यताका साथ मनाइँएको छ ।

आजको दिन निराहार व्रत बसेर विधिपूर्वक पूजा गरे मनोकामना पूरा हुने विश्वास रहेको छ। यही विश्वासका साथ व्रतालुहरु आज बिहानै देखि विभिन्न शिवालयहरुमा घुइँचो लागेका छन् ।

हरितालिका तीजको अवसरमा पशुपतिनाथ क्षेत्रमा नेपाल प्रहरी र सशस्त्र प्रहरीले सुरक्षा, उद्धार, स्वास्थ्य, खानेपानी र ट्राफिक व्यवस्थापन सहित सेवा सञ्चालन गरेकाे छ ।

दर्शनार्थीको भिडलाई मध्यनजर गर्दै नेपाल प्रहरी र सशस्त्र प्रहरीले सुरक्षा, उद्धार, स्वास्थ्य, खानेपानी तथा ट्राफिक व्यवस्थापन सहितका सेवा सञ्चालन गरेको छ ।

सशस्त्र प्रहरी बल नेपालका सहप्रवक्ता डीएसपी शैलेन्द्र थापाका अनुसार दर्शनार्थीको सुरक्षा र सहजताका लागि आवश्यक सबै प्रबन्ध मिलाइएको बताएका छन् ।