मुस्ताङमा दुई लाख बढी पर्यटकले गरे भ्रमण

१७  कात्तिक, काठमाडौं ।

दुई लाख बढी विदेशी पर्यटकले मुस्ताङ भ्रमण गरेका छन् ।

सन् २०२६ को दश महिनामा २ लाख ८५ हजार ६१६ जना विदेशी पर्यटकले मुस्ताङ जिल्लाको भ्रमण गरेका छन् ।

राष्ट्रिय प्रकृति संरक्षण कोष, अन्नपूर्ण संरक्षण क्षेत्र आयोजना (एक्याप), जोमसोमको अनुसार जनवरी देखि अक्टोबर सम्म सार्क राष्ट्रतर्फ २ लाख ६२ हजार १२ जना र अन्य राष्ट्रतर्फ २८ हजार २७५ जनाले मुस्ताङ जिल्लाको भ्रमण गरेको उल्लेख गरेको छ ।

सन् २०२५ को जनवरी देखि डिसेम्बर सम्ममा १ लाख ६१ हजार १४१ जना सार्क तथा अन्य राष्ट्रका विदेशी पर्यटकले मुस्ताङ जिल्लाको भ्रमण गरेकामा सन् २०२६ को दश महिनामा ७७.६२ प्रतिशतले पर्यटकको सङ्ख्या वृद्धि भएको उल्लेख गरेको छन् ।

एक्याप कार्यालयका प्रमुख राजेश गुप्तका अनुसार सन् २०२५ को तुलनामा सन् २०२६ को दुई महिना बाँकी रहँदा १ लाख २३ हजार ४७५ जना विदेशी पर्यटकको सङ्ख्या वृद्धि भएको जानकारी दिएका छन् ।

एक्याप जोमसोमको पर्यटक तथ्याङ्क अनुसार सन् २०२६ को दश महिनाकाे अवधिमा गत वर्षको भन्दा सार्क राष्ट्रतर्फ ९७ प्रतिशतले विदेशी पर्यटकको सङ्ख्या वृद्धि भएको जनाएकाे छ ।

गुप्तका अनुसार अघिल्लो वर्षको तुलनामा यस वर्षको २ महिना बाँकी रहँदा सार्क राष्ट्रतर्फ १ लाख २९ हजार १४६ जना विदेशी पर्यटक वृद्धि भएको उल्लेख गरेकाे छ ।

सन् २०२६ को २ महिना बाँकी रहँदा ४ हजार ६७१ जना विदेशी विदेशी पर्र्यटक कम भित्रिएका हुन् । जुन अघिल्लो वर्षको भन्दा (१६.५) प्रतिशत कम पर्यटक भित्रिएको उल्लेख गरेको छ ।

यद्यपि मुस्ताङमा सन् २०२५ को तुलनामा सन् २०२६ मा पर्यटकको सङ्ख्यामा अपेक्षाकृत वृद्धि भएको पाइएको हो ।