किन गर्य त्रिभुवन विमानस्थलमा ट्याक्सि चालकले हड्ताल

काठमाडौं,चैत २१

नेपाल यातायात स्वतन्त्र मजदुर संगठनको नेतृत्वमा  ट्याक्सि   चालकहरुले आज त्रिभुवन विमानस्थलबाट सेवा बन्द गरेका हुन् । त्रिभुवन अन्तर्राष्ट्रिय विमानस्थल क्षेत्रमा पार्किङ भाडा महँगो भएको विरोधमा  ट्याक्सि  चालकहरुले विमानस्थल क्षेत्रमा सेवा बन्द गरेका हुन् ।

विमानस्थल बाहिर भने  ट्याक्सिहरु चलिरहेका छन् । विमानस्थल क्षेत्रमा पहिले पार्किङ शुल्कबापत प्रतिघण्टा २० रुपैयाँ लिंदै आएकोमा अहिले ८० रुपैयाँ पु¥याइएको र १०० रुपैयाँ पु¥याउने धम्की दिइएको भन्दै  ट्याक्सि   चालकहरु लामो समयदेखि विरोधमा छन् । यस अघि १३ मंसिरमा उनीहरुले विमानस्थलको गेट अगाडि बसेर विरोध प्रदर्शन गरेका थिए ।

विमानस्थलको जग्गा आईएमएस एयरपोर्ट सर्भिस नामको कम्पनीले भाडामा लिएको छ । पार्किङ गर्ने सवारी साधनका धनीहरुले महँगो शुल्क तिर्नु परेको गुनासो गर्दै आएका छन् । उनीहरुले भाडाका  ट्याक्सिहरुको पार्किङ शुल्क घटाउन माग गर्दै यसअघि ज्ञापन पत्र पनि बुझाएका थिए । तर माग सम्बोधन नभएको र वार्तामा समेत नबोलाएको भन्दै  ट्याक्सि  चालकहरु आन्दोलन सुरु गरेका छन् ।