जगन्नाथको फेमिली उद्योगः १५ सय जनालाई रोजगारी

१६ माघ २०८०,काठमाडौं

उद्यमी जगन्नाथ महर्जनको ‘फेमिली’ उद्योग ‘खजुरिको’ले १५ सय जनालाई रोजगारी दिएको उनले बताएका छन् । ४० वर्षअघि बुवाको व्यवसाय सम्हाल्दै घरघरमा पाउरोटी बेच्न हिँडेका महर्जन अहिले ललितपुर, चितवन र मकवानपुर गरी तीनवटा प्लान्टबाट २४  घन्टा उत्पादनको कार्य  गर्दछन ।

खजुरिको  ‘पफ’ अहिले पनि आधुनिक नभएर पुरानै स्वरुप र स्वादमा पाइने उनी बताउँछन् । ‘हाम्रो पफ छ महिना सम्म उत्तिकै क्रिस्पी र स्वादिलो हुन्छ,’ उनले भने।

ब्रेडलाई नेपालमा पहिलोपटक ट्रान्सपेरेन्ट प्लास्टिकमा प्याक गरेको महर्जन परिवारले ४० वर्षभन्दा लामो संघर्षका क्रममा थुप्रै हण्डर र चुनौतीमात्र ब्यहोरेन, सफलताको शिखर पनि चुम्यो।

उनले काम सानो वा ठुलो नभनी निरन्तर रुपमा गर्दे गएमा सफलता प्राप्त हुने भएकाले नेपाली युवाहरुलाई आफ्नै देशमा उद्यम गर्न सुझएका छन् ।