तीन लाख बढी दालचिनी पाल्पा बाट भारत निर्यात

१९ असार काठमाडौं । 

तीन लाख बढी दालचिनी पाल्पा बाट भारत निर्यात भएको छ ।

चालु आर्थिक वर्षमा ६ वर्ष यताकै उच्च परिमाणमा दालचिनी भारत निर्यात भएको हो ।

आर्थिक वर्षमा तीन लाख ४७ हजार ९६९ किलो दालचिनी भारत निर्यात भएको डिभिजन वन कार्यालय पाल्पाले जनाएको छ।

उक्त परिमाण पछिल्लो आर्थिक वर्षको तुलनामा सबै भन्दा बढी भएको जनाएको छ । कार्यालयका सूचना अधिकारी खिलबहादुर तामाङको अनुसार चालु आर्थिक वर्षमा १२ लाख ८८ हजार ४८२ किलो तेजपात पनि भारत निर्यात भएको बताएका छन् । 

गत आर्थिक वर्षमा १ लाख २१ हजार १० किलो दालचिनी र ८ लाख ८१ हजार ७३१ किलो तेजपात निर्यात भएकोमा आर्थिक वर्ष २०८०,८१ मा १ लाख ७६ हजार ६९७ किलो दालचिनी भारत निर्यात भएको कार्यालयको तथ्याङ्कले जनाएको छ ।

२०७९,८० मा १ लाख ८३ हजार ५९० किलो, २०७८,०७९ मा एक लाख ९० हजार २१४ किलो र २०७७,०७८ मा १ लाख ९१ हजार ४१५ किलो दालचिनी भारत निर्यात भएको जनाएको छ ।

आर्थिक वर्ष २०८०,०८१ मा ७ लाख ६ हजार ७९० किलो रहेको तेजपात निर्यात भएको छ । भने चालु आर्थिक वर्षमा बढेर १२ लाख ८८ हजार ४८२ किलो पुगेको कार्यालयले जनाएको छ ।

तेजपात र दालचिनी पाल्पाका नागरिकको प्रमुख आम्दानीको माध्यम बनेको डिभिजन वन कार्यालय पाल्पाका प्रमुख मोहन श्रेष्ठले बताएका छन् । 

श्रेठले किसानले तेजपात प्रतिकिलो रु ५० देखि ६० र दालचिनी प्रतिकिलो रु १०० मा बिक्री गर्दै आएको बताएका छन् । 

दालचिनी र तेजपातको उत्पादन तथा बजार विस्तारमा निरन्तरता दिनसके स्थानीय कृषकको आम्दानी वृद्धि हुनुका साथै जिल्लाको वनजन्य उत्पादनको निर्यात प्रवद्र्धनमा थप योगदान पुग्ने अपेक्षा गरिएको कार्यालय प्रमुख श्रेष्ठले बताएका छन् ।