३२ औं विश्व आदिवासी दिवस खुल्ला मञ्चमा मनाईयो

२४ साउन,काठमाडौं ।

आज ३२ औं विश्व आदिवासी दिवस खुल्ला मञ्चमा मनाईएको छ ।

सन् १९९४ डिसेम्बर २३ मा संयुक्त राष्ट्रसङ्घको महासभाले हरेक वर्ष अगस्ट ९ लाई विश्व आदिवासी दिवसका रूपमा मनाउने निर्णय अनुसार कार्यक्रम भएको हो । 

सन् १९८२ मा जेनेभामा संयुक्त राष्ट्रसङ्घको आदिवासी जनसङ्ख्या सम्बन्धी कार्यसमूहको पहिलो बैठक अगस्ट ९ मा भएकाले सोही दिनलाई दिवसका रूपमा छनोट गरिएको हो ।

संयुक्त राष्ट्रसङ्घका अनुसार विश्वका ९० देशमा करिब ४७ करोड ६० लाख आदिवासी जनजाति बसोबास गर्छन् । 

विश्वका आदिवासी जनजातिहरूले अधिकार, पहिचान, संस्कृति र जीवनपद्धतिको संरक्षण तथा समस्या बारे विश्वव्यापी चेतना अभिवृद्धि गर्ने उद्देश्यले ३२ औं आदिवासी दिवस मनाएका हुन् ।

विश्वका विभिन्न देशहरुमा विश्व आदिवासी दिवसका अवसरमा विविध कार्यक्रमका साथ मनाइरहेका छन् ।

दिवसको अवसरमा आदिवासी जनजाति समुदायहरू आ–आफ्नो सांस्कृतिक पहिचान सहित काठमाडौंको खुलामञ्चमा विशेष कार्यक्रम गरी मनाएका छन् । 

विभिन्न झाँकी सहित खुलामञ्चमा पुगेका उनीहरुको कार्यक्रमको मूल समारोह खुलामञ्चमै आयोजना गरिएको थियो । भने विभिन् स्टलहरु समेत राखिएको छ ।

आदिवासी जनजाति समुदायले विशिष्ट संस्कृति, परम्परा तथा मानिस र प्रकृतिबीचको सम्बन्धसम्बन्धी आफ्नै ज्ञान र अभ्यासलाई पुस्तौंदेखि संरक्षण गर्दै आएका छन् ।