भोजपुरको ‘चखेवा भञ्ज्याङ’ पर्यटकको केन्द्र बन्दै

२२ साउन, काठमाडौं ।
भोजपुरको ‘चखेवा भञ्ज्याङ’ पर्यटकको कन्द्र बन्दै गएको छ। पछिल्लाे समय भोजपुरको टेम्केमैयुङ गाउँपालिका चखेवा भञ्ज्याङ पर्यटकका लागि सहज गन्तव्य बनेको छ।

समुद्री सतहबाट २,३५१ मिटर उचाइ र भोजपुर सदरमुकाम बाट करिब ४० किलोमिटरको दुरीमा रहेको चखेवा भञ्ज्याङलाई पर्यटनको केन्द्र बनाउन लागिएको जनाएको छ।

गाउँपालिकाले चखेवा क्षेत्रमा सांस्कृतिक सङ्ग्रहालय, पार्क र अध्ययन केन्द्र बनाउने योजना बनाएको गाउँपालिका अध्यक्ष सरोज बस्नेतले बताएका छन्।

मध्य पहाडी लोकमार्गसँगै मुन्दुम पदमार्गको केन्द्र विन्दुका रूपमा रहेकाले भञ्ज्याङ क्षेत्रको सहरीकरणसँगै बस्ती विस्तारमा जोड दिइएको समेत बताएका छन्।