पर्यटन विभागले दिन सुरु गर्यो शरद ऋतुका लागि हिमाल आरोहण अनुमति 

१९ भदौ, काठमाडौं ।

पर्यटन विभागले शरद ऋतुमा हिमाल हारोहण गर्ने आरोहीहरुका लागि अनुमति दिन सुरु गरेको छ ।

सरकारले शरद ऋतुका लागि हिमाल आरोहण अनुमति दिन सुरु गरेको हो ।

मनसुन यामको बाढी र यसले गरेको वितण्डा बीच प्रारम्भिक रूपमै हिमाल आरोहणका लागि भने उत्तिकै आकर्षण रहेको देखिएको विभागले जनाएको छ ।

बिहीबारसम्म कुल ३२ समूहका ३ सय ६७ आरोहीले आगामी आरोहण सिजनलाई हिमाल चढ्ने अनुमति लिइसकेको पर्यटन विभागले जनाएको छ ।

अनुमति लिने तीमध्ये ८७ महिला रहेको जनाएका छन् । भने मनास्लु हिमालमा २९ समूहका ३ सय ४८ आरोहीले अनुमति लिएको पर्यटन विभागले जनाएको छ । 

मकालु हिमालमा १ समूहका ३ आरोहीले अनुमति लिएको छ । दङ्गा हिमाल (६ हजार २ सय २० मिटर) मा भने २ समूहका १६ जनाले आरोहण गर्न अनुमति लिएको जनाएको छ ।

अनुमति लिनेमध्ये सबैभन्दा धेरै चिनियाँ चीन बाट ५५, रुस ३९ र अमेरिकाका ३२ आरोहीले बिहीबारसम्म अनुमति लिइसकेको विभागले जनाएको छ ।

फ्रान्सका २७, बेलायत २४, नेपाली १५, पोल्यान्ड, क्यानडा र जर्मनीका १४, १४ आरोहीले अनुमति लिएको पर्यटन विभागको तथ्यांमा उल्लेख गरिएको छ ।